三角镇
沙田水乡 风情慢镇
系中山人值得自豪嘅
“全国环境优美乡镇”
然而呢度除咗壹加壹、真善美酒店
就似乎无咩令人印象深刻噶了
咁“偏远”嘅一个岭南小沙洲
有D咩值得中山人嚟“吃喝玩乐”？
上车坐稳！静香带你一探究竟
首站：三角山公园
俺老孙来也
三角山公园位于三角镇嘅中北部
紧靠三角中学
係三角镇嘅至高点
当地人都亲切咁称之为“花果山”
嚟到花果山
就俾佢雄伟嘅牌坊所吸引
唔知点解
静香对三角山有种情有独钟嘅感觉
一入来就俾各色姿态嘅植物所包围
清新嘅气味扑鼻而来
比起喧嚣压抑嘅城市
呢度确实可以令人暂时抛开烦恼
茂密嘅树木、低垂嘅树枝
係肩头绽开一片片绿意
不知不觉就嚟到孝义亭
郁郁葱葱嘅树林小亭更令人迷恋
红会亭
与漫山遍绿相比显得格外引人注目
夜登三角山，大概会有种
危楼高百尺，手可摘星辰嘅感觉吧？
係半山腰嘅观景台
见到孔子像和孔融让梨像
颇有人文气息
冬去春来
可以尽情係攀爬嘅过程中享受
春风拂面鸟鸣悦耳
嚟到半山腰小栈道俯瞰
三角美景尽收眼底
可谓“一览众山小”
午饭：松皮棚烧鹅
三角人的私藏美食
松皮棚係三角盛名已久
呢度嘅烧鹅已经驰名17年了
睇睇中午时分已经停满车
你就知道有几火爆了
呢度嘅烧鹅有咩特别？
食材新鲜：过百只烧鹅当日晨早流流就开始准备
80多年嘅大水缸+郁香嘅荔枝木，烧出纯正美味！
睇住都流口水，马上叫老板整半只烧鹅
加上最多人点嘅炸云吞、焦雷鸡丝粥
吃货模式开启！
香脆多汁，皮滑肉嫩，有淡淡荔枝香味，蘸上特制酸梅汁，齿颊留香。
咪以为除咗烧鹅其他出品就唔得，呢度嘅炸云吞一定要试！馅料系韭菜、粟米、鱼肉，外脆内嫩，细细粒口感得意又清脆，简直停唔到口！
同样正嘅仲有呢兜蕉蕾鸡丝粥，边个可以话我知有咩特别秘方？点解会特别清甜！和味！搞到静香饱滞滞都忍唔住食晒...
仲有呢度嘅吊烧排骨都好多人点
同样系荔枝柴烧出来嘅
香喷喷咁，让人无法抵挡
地址：三角镇平安北路11号
人均：60
饭后：明兴果场
摘摘水果，好过斋搓肚
下午时间流流长
最好就稳个亲近自然嘅地方hea下了
不如就嚟明兴水果农场摘下水果啦
老板娘介绍话平时都接待唔少旅客添
哩度按季节规律种满各种时令水果
番石榴、番茄仔、桑枣等都有得摘了
桑枣
车厘茄
摘攰咗仲可以系吊床躺一下
适合午后软趴趴嘅你
实在唔想郁手，入口处就有现成水果卖！
仲有自制嘅地道水果干，买两包送人都唔错！
地址：三角镇福泽路与东线路交汇处
下午茶：好店推介
三角人的慢生活步调
係三角，除咗河涌多，粉葛多
下午茶文化都非常浓郁
係福源南路同旭日路交叉位置附近
就集中咗较多嘅奶茶店、小食店
茶一站、川町太郎、摩天轮、林小媛等
仲有位于金三大道中嘅南记甜品
都系三角年轻人常去嘅店
今次带大家去睇睇呢几家新D嘅店！
[ 茶物语 ]
小资文艺风嘅装修
未入门口就已经令人“春心荡漾”
据闻D出品都係现点现整
够晒新鲜！
推荐爆浆芝士鸡扒、鲜虾芝士！
地址：三角镇拱辰路3号21卡
（壹加壹旁边的苹果派楼盘临街商铺）
[ 赵记传承 ]
赵记一时风靡全中山
当然都将美食吹到去三角
听讲经常大排长龙添
唔少出品都令吃货们大喊“想cry”
牛奶砖、撞奶、双皮奶、鸡爪
食到静香“lian lian俐”
地址：三角镇义盛广场A56卡商铺
[ 边度 ]
七八十年代香港茶餐厅嘅feel
环境唔错
鸡蛋仔出品都几好
两粒兵乓球鱼蛋11，口感又几过瘾
地址：三角镇东润华庭8区47卡（林小媛隔离）
[ 32号 ]
呢度环境比较小资
下午可饮咖啡奶茶食小食
夜晚可以听听驻唱歌弹弹吉他
或者到天台花园饮饮啤酒吹下水
系一个唔错嘅休闲选择
地址：三角东润华庭6区33卡首层（川町太郎旁）
第5站：三角图书馆
宝宝心里只有学习！
每当我饮饱食醉，精神放松嘅时候
我就会开始思考人生！
即使外出游玩，也不忘读书识字
三角图书馆就最适合爱读书嘅我了！
（认真脸）
呢度藏书8万多册，确系三角人嘅“黄金屋”
系度读下中山嘅历史，扮下嘢就最啱了
ps.我会话你知哩度有免费WiFi吗？
晚饭：旧街老店
正宗台湾菜
晚饭时间
讲出嚟你都唔信
系三角可以食得到正宗嘅台湾菜！
呢间老店在本地人气很高
但招牌不显眼，留心才会发现
老板係台湾人，好实在
店内环境朴素，唔花哨
重点係间店嘅出品
出品要说佛跳墙和水煮鱼最出名
三杯豆腐和白肉卷萝卜丝都比较特别
（佛跳墙限量供应，最好提前电话预约）
内容丰富嘅佛跳墙系大补汤，鱼翅芋头鹌鸽蛋辣排骨都融入浓浓汤汁，亲民嘅价格（50）令人惊喜！
水煮鱼鲜嫩滑口，分量好足，而且味道够辣，无辣不欢嘅朋友有福利了！
三杯豆腐
加入薄荷，味道清新脱俗
白肉卷萝卜丝
唔错嘅开胃菜
地址：三角镇五福路40号
人均：40
番外篇
花果山庄
园林景致美食相伴
相比松皮棚食店
位于三角山脚下嘅呢家花果山庄
环境就显得高大上了
春分时节絮柳飞，细雨初晴朗云微
山脚农家招牌挂，清凉山风灶烟吹
原生绿色临天籁，家常美味道地炊
据闻嚟到花果山庄
有几味餸可谓不得不点
沙栏鸡
粉葛
青皮冬瓜
地址：三角镇三角村环山路73号之二
合益海钓场
远离喧嚣 休闲减压
不出大海，一样可以吃上自己钓嘅海鱼！
在雾霾和喧嚣的城市奔波耐咗
不妨带上鱼竿
去合益海钓场寻找一份属于自己嘅写意
合益海钓场位于三角高平
鱼塘主要养殖海鱼
黄脚立、海鲈、红友、路亚、黄花鱼...
虽然最低消费一旧水
但其他城市嘅钓鱼发烧友仍慕名而来
係呢度一小段时间
就已经见到唔少人起钩，收获甚满
Tips：呢度仲设有农庄餐厅，自己钓上来嘅鱼可以係呢度加工炮制，亦可动手烤鱼。除此之外仲有桶子鸡、三杯鸡等美食。一家大细食埋饭都得！
地址：三角镇高平路口进入福泽路直入1.1km，右侧有指示牌指引
洪林家庭农场
独岗山之北，陷入“枣”恋
呢家大蜜枣农场有小小偏远
不过估计你嚟到係唔会失望嘅
听闻中山电视台娟姐都到访过呢度！
将近40亩嘅大蜜枣林
每年12月至2月
带上屋企人（当然可以约埋静香）嚟呢度
就可以摘到新鲜啵啵脆嘅
台湾“翡翠大蜜枣”
难怪嚟过嘅朋友都话“一级棒”
地址：三角镇进源路与省道交汇处西北方向900米
（荷花池农庄对面）
迪茵湖会所
碧水如镜、绿树如茵
目前迪茵湖会所仲处于规划期间
不过如果你对湖景情有独钟
周末嚟呢度野餐或者係个唔错嘅选择
散步湖岸感受凉风
令人心旷神怡酣畅淋漓
霖霖都不禁陶醉
期待建成后嘅迪茵湖
三角人嘅又一个度假休闲好去处
结语
三角快线通车之后
城区到三角镇只需20分钟
相信不少嘅朋友都蠢蠢欲行了！
咁就收藏好本文
趁春色涌动
来一场“三角”恋吧！
- END -
你仲知道三角有咩
好食好玩嘅地方吗？
快到留言区分享啦
部分图片来源丨见水印
编辑丨静香、番戈
-未经授权，不得转载-
了 解 更 多 中 山 文 娱 资 讯
